SLIK GJEKK KAMPEN:
Det norske landslaget gjekk friskt ut mot Portugal, og prøvde hardt vere sterke framover mot førehandsfavorittane på bortebane.
Men Noregs sjansar resulterte ikkje i scoring.
– Vi må scora på sånne sjansar som vi får i denne kampen, seier Egil "Drillo" Olsen til Viasat.
Han meiner laget hans fort kunne rysta portugisarane.
– Dei vinn fortent, men vi var ikkje så langt ifrå. Vi skulle ikkje hatt så mykje marginar for å ta eitt poeng, seier Egil "Drillo" Olsen etter tapet.
Gamst nære
Noreg hadde ved fleire høve meir eller mindre store sjansar til å scora.
Kvarteret ut i kampen fann Bjørn Helge Riise fram til Erik Huseklepp som avslutta på Portugal-keeper Eduardo frå spiss vinkel.
– Eg kom litt skrått der og bare bestemte meg for å skyta. Eg traff ganske bra, men det var ein god redning. Det var kjedelig at den ikkje gjekk inn, for då kunne vi fått kampen inn i eit heilt anna spor, seier Huseklepp om sjansebommen.
Bare sju minutt etter viste dei norske spelarane at dei kunne rysta Portugal med scoring, men også denne gongen blei det bare nesten.
Eit flott angrep starta med Morten Gamst Pedersen og avslutta med same person.
På pasning frå Bjørn Helge Riise i heimelagets felt sette Gamst ballen over Portugals mål frå 12 meter.
- Burde Drillos menn scora på slike sjansar? Diskutér nedst i saka!
Moa-straffe?
70 minutt ut i kampen såg Portugals Bruno ut til å tråkka ned Moa. Noreg ropte på straffe, men domaren vinka spelet vidare.
Så nære var det norske landslaget i å gje portugisarane eit sjokk i heksegryta Estadio Da Luz.
– Vi hadde dei to største sjansane i første omgang, og om vi hadde scora hadde kampen blitt heilt annleis, seier John Arne Riise som spelte sin 95. kamp med flagget på brystet.
Kalddusjen
Ekstremt norsk forsvarsarbeid skulle hindra Portugal i å komme til målsjansar. Og det tok heile 52 minutt før kalddusjen kom. Til då hadde godt norsk forsvarsarbeid stått imot det verste presset frå Portugal.
Eit Nani-innlegg av den ekstreme sorten hamna i feltet hos Hélder Postiga som var i duell med Vadim Demidov.
Uheldige Demidov kunne gjera lite med den portugisiske superspissen som fekk tåa på ballen, og plutseleg stod det 1-0 til Portugal.
– Kjenner eg norsk presse rett, så blir Demidov grilla litt for den situasjonen, seier Rennes-spelar Alexander Tettey i NRK P1 etter kampen.
(artikkelen held fram under biletet)
– Kjempestor oppleving
Tom Høgli var spelaren som fekk den store oppgåva før møtet med Portugal. Han skulle ta seg av motstandarens store profil: Christiano Ronaldo.
Og Høgli makta å temma Real Madrid-spelaren.
– Det var som forventa i første omgang. Dei hadde ballen mykje, og dei har jo gode spelarar. Eg føler at vi har brukbar kontroll, og skaper nokre sjansar, seier Høgli til Viasat.
(artikkelen held fram under biletet)
Også keeper Rune Almenning Jarstein skulle få det tøft mot portugisarane. Han varta opp med fleire praktredningar i løpet av kampen.
– Det er alltid spørsmålsteikn ved keeperplassen før en landskamp. Det var ein kjempestor oppleving som eg tar med meg gjennom resten av karriera.
– Det er surt å stå med null poeng, for eg føler vi gjør en god defensiv jobb, og vi har fleire store sjansar. Vi kunne fort fått med oss poeng, seier Almenning Jarstein til Viasat.
For lagets fyrtårn aleine på topp, John Carew, var ikkje humøret det beste etter kamp.
– Det var litt skuffande, for vi følte vi gjorde alt etter planen, seier Carew.
Tre tette frå Portugal
Sett vekk frå scoringa kom ikkje Portugal fram til så mykje meir enn det norske landslaget.
Real Madrid-stjerna Ronaldo traff godt og fekk ein dupp på ballen etter ti minutt. Jarstein strakk seg så lang han var og fekk akkurat slått til corner.
Like før pause slo Coentrao eit luftig innlegg frå venstre og Ronaldo kom stormande inn i feltet.
Han vann duellen enkelt, men headinga frå kloss hold gjekk rett på keeper.
(artikkelen held fram under biletet)
Fem minutt ut i andre omgang måtte Jarstein strekka seg på ny etter at Martins fyrte av frå distanse.
Dette var dei store sjansane Portugal skapte i kampen.
– Dei har ballen, men skaper ikkje så mykje. Vi gjorde ein ærleg innsats og skulle klart uavgjort, seier John Arne Riise.
Drillo støttar Riises utsagn:
– Dei hadde nesten ingen klåre målsjansar, medan vi hadde to veldig store.
- LES OGSÅ: Danskane legg press på Drillos
Likt i toppen
Norge tok ein sterk 1-0 siger heime mot Portugal då laga møtte kvarandre på Ullevaal 7. september i fjor.
Denne gongen blei Portugal for sterke, men produserte ikkje mange fleire målfarlege sjansar enn Noreg.
No er Danmark og Portugal likt med Drillos. Samtlege har ti poeng i gruppe H.