- Det vil føre til at klubbane kvittar seg med spelararar som vil vere på desperat jakt etter ny jobb, seier professor Arild Hervik ved Høgskulen i Molde.

England, Spania, Italia og Frankrike er ligaer som vil få merke den økonomiske krisa, spår Hervik.

No åtvarar professoren norske klubbar mot å kjøpe attraktive spelarar på jakt etter ny jobb.

Fotballinvestorar som skrur igjen pengekrana, sponsorar som trekker seg og medieavtaler som ikkje lenger er like lukrative for klubbane er faktorar som påverkar fotball-Europa.

- No er det viktigare enn nokonsinne å halde seg stramt til budsjetta. Ikkje ta dristige sjansar, ikkje kjøp dyre spelarar. Lønsnivået må vere edrueleg, seier Hervik.

Merket pågang

I Lyn Oslos lokaler på Ullevål stadion har dei allereie merka pågangen.

- Spelarar har kome utan varsel på jakt etter jobb. Ofte har dei eit lønskrav vi ikkje kan akseptere, seier sportssjef Rolf Magne Walstad.

Men kva gjer Lyn Oslo dersom det kjem ein kvalitets-spelar inn på kontoret og Lyn ligg under nedrykkstreken?

- Budsjettet avgjer. Er det ein god spelar og det økonomisk forsvarleg så er det aktuelt å ta inn spelaren. Blir det for dyrt, er det uaktuelt, seier Walstad til NRK.

Då er det viktig å halde seg til budsjetta. Ikkje ta dristige sjansar ved å kjøpe dyrt og legge seg på eit alt for høgt lønnsnivå, seier Hervik.

- Mykje av inntektene kjem frå investorar og sponsorar. Når alle desse merkar nedturen, går det igjen utover europeiske klubbar, seier Hervik.

Nett-TV: Spår jordskjelv i europeisk fotball