Hopp til innhold

Derfor bør vi gløyme OL-gull til Brækhus

Kvinneboksingas superstjerne utelukkar ikkje OL-deltaking, men hindringane er store og mange. Her er grunnane til at Norge neppe får sjå Brækhus bokse for gull i Rio.

Cecilia Brækhus

LANG VEG TIL OL-GULL: Verdas beste proffboksar på kvinnesida, Cecilia Brækhus.

Foto: Nesvold, Jon Olav / NTB scanpix

Det internasjonale bokseforbundet har opna for at proffboksarar kan delta i OL, som betyr at Brækhus kan bli eit sårt tiltrengt medaljehåp for Norge i Brasil.

– Eg utelukkar ikkje OL, sa Cecilia Brækhus til VG før møtet med Chris Namus.

Men rundt 150 dagar før leikane går i gang tyder det meste på at boksedronningas veg mot OL-gull blir for tøff.

1. Cecilias vektproblem

  • Sist Brækhus gjekk i ringen hadde ho ei vekt på 66,6 kilo. Skal ho bokse i OL må ho enten gå kraftig ned eller eit stykke opp i vekt.

For 34-åringen vil valget stå mellom to vektklassar:

  1. Lettvektsklassen: 57-60 kilo
  2. Middelvektsklassen: 69-75 kilo

Allereie her blir ho nærast sjanselaus, meiner NRKs bokseekspert Anders Werner Øfsti.

– Ho hamnar mellom to stolar. Skal ho ned til 60 kilo vil ho tape styrke. Det er veldig tungt å gå ned nesten ti prosent av si eiga kroppsvekt, seier Øfsti.

– I tillegg vil ho møte regjerande OL-vinnar Katie Taylor, som etter mi meining vil vere favoritt mot Brækhus i den vektklassen, seier Øfsti.

Taylor

OL-FAVORITT: Katie Taylor. Her med OL-gullet i London for fire år sidan.

Foto: Patrick Semansky / Ap

Endå verre kan det bli for Brækhus å kjempe i middelvektsklassen (69-75 kilo).

– Ho vil møte damer som normalt veg 80 kilo, som har pina seg ned i 75 kilo. Damene i denne klassen blir truleg for store og sterke for Brækhus. I tillegg må dei ikkje miste like mange prosent av kroppsvekta si for å bli kampklare, seier Øfsti.

2. – Trenarteamet får ikkje bli med

  • Boksedronninga må truleg bryte med trenarteamet i ein periode for å kunne satse mot OL.

Norges Bokseforbund krever nemleg at ho må vere underlagt forbundets trenarar og leiarar for å kunne delta i Rio.

– Du må vere godkjent AIBA-trenar for å kunne stå i hjørnet under OL. For å bli AIBA-trenar må du gjennomføre eit to år langt kurs. Det antar eg at ingen i hennar proff-team har, seier styremedlem i Norges Bokseforbund, Frank Robert Walstad.

Men det er mogleg å forhandle seg fram til å kunne ta med ein trenar med begrensa makt, fortel Walstad.

– Det kan vere mogleg å få med ein av hennar trenarar saman med ein norsk landslagstrenar. Men her er det reglar og grenser for kor mykje trenaren utan AIBA-lisens kan involvere seg, fortel Walstad.

I tillegg må Brækhus melde seg inn i ein norsk klubb og bli ein del av Norges Bokseforbund.

3. Tøff motstand i kvalifiseringa

Anders Werner Øfsti byline

NRKs BOKSEEKSPERT: Anders Werner Øfsti.

  • Brækhus må gjennom ein kvalifiseringsturnering i juni for å bokse i OL. Her blir det tøffare å sloss enn i proffsirkuset, meiner Øfsti.

– Det blir som å få ein kamel gjennom eit nålauge. Det er mange konkurrentar, få plassar i OL og eit ekstremt høgt nivå. Her snakkar vi ikkje skiskyting eller langrenn. Her snakkar vi verdas kanskje største idrett, seier Øfsti.

Ifølge Walstad i bokseforbundet er det cirka 27000 lisensierte boksarar på kvinnesida. Bare eit fåtal av desse høyrer til proffboksinga.

– Det er mange fleire amatørboksarar på høgt nivå enn det er hos proffane. Proffboksing er ikkje som fotball der bare dei beste blir proff. Norge har for eksempel fleire mannlige proffboksere. Ingen av dei har nokon gang hevda seg i verken VM, EM eller OL, seier Øfsti.

Brækhus

TIDLEGARE EUROPAMEISTER: Cecilia Brækhus (t.v.) har tidlegare prestert på eit høgt nivå som amatørboksar. I 2005 vann ho EM i 63-kilosklassen.

Foto: Holm, Morten / NTB scanpix

4. Kortare rundar, høgt tempo og hjelmtvang

  • Ein proffkamp varer i ti rundar der ein runde varer i to minutt. Ein OL-kamp er kun fire rundar lang, med to minutt for kvar runde.
    Her kan Brækhus få ei utfordring med tempoet og tida, trur Øfsti

– Ho må bruke tid på å endre stil. Slagfrekvensen må bli høgare fordi det blir slått fleire slag på kortare tid i OL-formatet, seier Øfsti.

Omstillinga kan bli problematisk.

– Det vil vere uvant for ho med så kjappe motstandarar, fortel Øfsti.

– Brækhus har heller ikkje eit enormt knockout-slag. Det har OL-favoritt Katie Taylor. Brækhus har kun sju knockouts på 28 kampar mot fleire relativt dårlege motstandarar i proffringen, legg han til.

Skal verdas beste proffboksar stille i OL må ho gå i ringen med hjelm. Nyleg vedtok Den internasjonale olympiske komité at kun menn kan bokse utan hjelm, men kvinnene får ikkje ta beskyttelsen av.

– Eg trur det vil vere ubehageleg for ho å bokse med hjelm etter mange år i ringen utan, seier Øfsti.

Boksing

HJELMTVANG: I OL må kvinnene bruke hjelm. Det gjør ikkje Cecilia Brækhus som proffboksar.

Foto: CHRISTOPHE SIMON / Afp

5. – Faren for å tape kan skremme Brækhus

  • For svært mange idrettsutøvarar er kampen om OL-gull det aller største. Men Brækhus, som aldri har tapt ein proffkamp og som innehar alle fire verdsmeisterbeltene, risikerer ei ripe i lakken dersom ho taper konkurransen om den gjevaste medaljen.

Truleg er det få eller ingen idrettsutøvarar i OL som set meir marknadsverdi på spel enn ein verdsmeister i proffboksing.

– Ho risikerer å tape for første gang etter at ho blei proffboksar. Er ho villeg til å delta og sette kommersiell verdi på spel? spør Walstad retorisk.

Øfsti trur ikkje Brækhus ser på OL-gull som større enn VM-beltene i proffboksing.

– Beltene Brækhus har vunne har minst like stor marknadsmessig verdi som eit OL-gull. Dersom Cecilia skulle ha boksa i OL, er det bare fordi det er gjevt for ho å ta eit OL-gull. Det er ikkje meir pengar å hente der. Det er ikkje mykje pengar å tene utanfor proffboksinga, seier Øfsti.

Brækhus

SUVEREN: Cecilia Brækhus har knust all motstand som proffboksar. I OL blir motstanden langt tøffare, spår NRKs bokseekspert.

Foto: Nesvold, Jon Olav / NTB scanpix

Bokseforbundet: – Ho må komme til oss

Norges Bokseforbund har ikkje snakka med Brækhus om mogleg OL-deltaking.

– Vi vil ikkje gå i direkte kontakt med Cecilia. Ho må ønske det sjølv. Det må komme frå hjartet. Ho må sjølv avgjøre om ho vil vere med på dette, seier Walstad, som understrekar at det ville vore veldig stort å sjå Brækhus bokse for gull under leikane.

Toppidrettssjef Tore Øvrebø vil gjerne ha med Brækhus, men er usikker på om ho kan bidra i medaljekampen for Norge.

– Dersom desse boksarane er klarert og kvalifisert for OL, så vil vi jobbe med dei.

– Ho vil jo vere ein medaljekandidat...

– Veit vi det? Er ho det? Ho må gjennom ein kvalifisering. Vi aner ingenting om forholdet mellom proffboksing og amatørboksing, seier Øvrebø.

Cecilia Brækhus vil ikkje uttale seg om potensiell OL-deltaking før ho er tilbake i Norge seinare denne veka.

Siste nytt

  • To Carlsen-seirer i Tyskland

    Sjakkstjernen Magnus Carlsen vant begge sine partier torsdag og ligger alene på toppen av Chess Classic i tyske Karlsruhe etter seks runder.

    Nordmannen står med fire poeng etter de første seks rundene og har ett poeng ned til sine nærmeste konkurrenter. Torsdagens seirer kom mot Vincent Keymer (Tyskland) og Richard Rapport (Romania).

    Turneringen spilles i formatet «rask klassisk», som betyr at spillerne har 45 minutter på klokka og får ti sekunder ekstra for hvert trekk.

    Alle de seks deltakerne skal møte hverandre to ganger hver innledningsvis, før det er finale, kamp om tredje- og femteplass 2. påskedag.

    Det er første gang turneringen arrangeres etter koronapandemien. Carlsen har vunnet turneringen to ganger tidligere og er tittelforsvarer ettersom han vant i 2019. (NTB)

    Magnus Carlsen Samarkand
    Foto: Lennart Ootes / Fide
  • Medier: Liverpool gir opp Alonso-jakten

    Både The Times og The Telegraph skriver torsdag kveld at Xabi Alonso neppe blir Liverpool-manager når Jürgen Klopp gir seg i sommer.

    Den nåværende Bayer Leverkusen-treneren skal nemlig ønske å bli i den tyske klubben etter sesongen.

    Alonso er i ferd med å lede Leverkusen til klubbens første seriemesterskap. Med åtte kamper igjen av Bundesliga, leder de med ti poeng ned til Bayern München.

    Begge avisene skriver at det er to navn som skiller seg ut for Liverpool når Klopp går av etter ni år i jobben. De er Brighton-manager Roberto de Zerbi og Sportings Ruben Amorim.

    Xabi Alonso
    Foto: Thilo Schmuelgen / Reuters
  • Leicester sparket treneren – skal ha hatt forhold til spiller

    Leicesters kvinnelagstrener Willie Kirk har mistet jobben. Ifølge engelske medier skal grunnen være et forhold til en av klubbens spillere.

    Leicester bekrefter sparkingen på sine nettsider torsdag kveld.

    «Etter en grundig intern disiplinær prosess, har det blitt avdekket at Willie har brutt lagets etiske retningslinjer», heter det i uttalelsen.

    The Guardian og The Athletic melder at Kirk skal ha hatt et forhold til en spiller. Kirk ble suspendert tidligere i mars da klubben skulle etterforske påstandene, og nå har de kommet til den konklusjon at Kirk må gå.

    Kirk ble direktør i klubben i juli 2022 og tok noen måneder senere over treneransvaret.

    Assistenttrener Jennifer Foster og førstelagstrener Stephen Kirby får det midlertidige ansvaret for klubben som er nummer ni i den engelske toppdivisjonen. (NTB)

    Willie Kirk
    Foto: ANDREW BOYERS / Reuters

Sendeplan

Kl. Program Kanal