– Om han vinn dette er det veldig imponerande, sa Jon Ludvig Hammer i TV 2 studio etter Carlsens 25. trekk.
Men ti trekk seinare hadde Carlsen overtaket, og Eljanov valde med det og kaste inn handkledet. Med det gjekk Carlsen opp på seks poeng i samandraget og vann halvpoenget framfor Levon Aronian.
– Eg er veldig godt nøgd med å avgjere det i dag. Det var utruleg herleg å kunne vinne her., seier Carlsen til TV 2 etter sigeren.
Carlsen vann med det sin første Norway Chess på fire forsøk.
Levon Aronian spelte mot Pentala Harikrishna i sitt siste parti, og enda då opp med 5,5 poeng.
– Eg er jo aldri heilt nøgd med spelet mitt, men det var ein veldig svart/kvit turnering. Eg spelte veldig bra med kvite brikker og dårleg med svart. Til neste gong må eg spele betre med svart. Eg har spelt veldig lenge utan å tape no, og det har nok gjort at eg har spelt feigt med sort for å halde rekka med parti utan tap lengre, sa han til TV 2.
Carlsen leda Norway Chess med fem poeng, på lik poengsum som Levon Aronian, før dagens siste parti. I går tapte Carlsen sitt første parti på 43 forsøk, mot nemnde Aronian.
Stillinga før dagens avsluttande parti (8 av 9 rundar): 1) Magnus Carlsen og Levon Aronian 5, 3) Vladimir Kramnik, Veselin Topalov og Maxime Vachier-Lagrave 4,5, 6) Pentala Harikrishna og Li Chao 4, 8) Anish Giri 3,5, 9) Pavel Eljanov 3, 10) Nils Grandelius 2.
