Uvisst kvar barneavdelinga skal kutte

Måndag ettermiddag skal styringsgruppa møtast for å drøfte kutta som allereie er vedteke.

Det er bestemt at det skal leggast ned fem døgnplassar. I tillegg skal minst fem stillingar fjernast.

– Vi er eit stykke unna å konkludere med kvar stillingane vert teke ned, seier klinikksjef Nina Hope Iversen til NRK.

Ho reknar ikkje med at det blir klart kvar det blir ei nedbemanning før seinare denne månaden.

Det betyr altså at det framleis ikkje er klart om dei fem stillingane vert fjerna i Arendal, Kristiansand eller om kutta vert fordelt på begge sjukehusa.

På måndagens møte skal tillitsvalde og brukarrepresentantar samlast.

– Vi vil gjennomgå status og legge ein plan for det vidare arbeidet. Eg reknar ikkje med ei avgjerd i dag utover det som allereie er avgjort, og det er at vi skal kutte, seier Hope Iversen.

• Les også: – Skaper utrygghet for barn og foreldre
• Les også: Delvis beroliget etter møte om barneavdelingen