Rådmannen har føreslått at kommunen skal dekke opptil 50 000 kroner for å dekke eit eventuelt underskot.
– Det er vi nøgde med. Vi meiner det er nok til at vi med stor sikkerheit kan køyre badebåt i sommar også, seier John Henrik Aas i Kystlaget Terje Vigen.
I fjor brukte dei den gamle skøyta MS Osterøy som badebåt i skjærgarden i Grimstad. Det er Kystlaget Terje Vigen som eig båten.
Aas er klar på at dei treng økonomisk støtte til å drive badebåten.
– Kystlaget er ein ideell organisasjon som ikkje har særleg mykje pengar å bruke. Vi reknar med at inntektene våre kjem til å dekke utgiftene. Då er vi nøgde, seier han.
Dermed vert det truleg badebåt tre dagar i veka gjennom heile juli.
– Badebåten var veldig populær i fjor då vi prøvde det for første gong i samarbeid med turistkontoret og Grimstad Min By. Det fungerte veldig godt og vart godt motteke. Så var vi utruleg heldige med vêret. Det betyr ein del, seier han.
