– Eg veit førebels ikkje kor alvorleg ulykka er, seier operasjonsleiar i Agder-politiet, Audun Eide til NRK.
Den eine syklisten skal ha vore bevisstlaus då han vart henta av ambulanse.
Dei første meldingane gjekk ut på at ein bil hadde køyrt på dei to syklistane.
– Så vidt vi har fått opplyst skal dei to syklistane ha treft ein bil som stod i eit kryss. Skadeomfanget er litt uklart. Den eine skal vere lettare skada, medan den andre er vi litt usikker på, seier innsatsleiar i politiet, Bjørn Pedersen.
Ulykka skal ha skjedd i Hamrebakkane i Kvinesdal.
Ulykka skjedde ved 16.40-tida.
Luftambulanse var på veg til staden, men vart seinare send tilbake.
Ifølgje Agder politidistrikt vart dei no undersøkt ved sjukehuset i Flekkefjord. Mennene skal ha klaga over smerter i kroppen.