– Rekord veit vi ikkje enno. Vi klarer ikkje å oppsummere før etterpå. Vi ser at det er veldig mange som ventar lenge før dei bestemmer seg for å reise, men det er noko ledig, seier linjedirektør Odd Grønberg til NRK.
To av rutene til Danmark til helga er fullbooka. Laurdag morgon og søndag føremiddag er båten smekkfull. Det betyr over 2200 reisande.
– Klarer ein å halde seg unna dei to er det framleis gode moglegheiter for ein tur, seier Grønberg.
Ifølgje Grønberg har vêrmeldingane mykje å seie for om folk vel å ta turen eller ikkje.
– Det er nok ein av tinga folk ser på kvelden før dei bestemmer seg, seier han.
