Toalettveska er designbeskytta.
– Saka er henlagt på grunn av manglande sakshandsamingskapasitet, seier politiadvokat Hilde Almåsstø til NRK.
Ragnhild Naglestad og Anne Kristine Mykjåland driv butikken Lulu's i Kristiansand sentrum.
- Les også: Anklager Netthandelen for piratkopiering
Droppa klage
Dei to reagerte sterkt då dei såg at Netthandelen selde ei toalettveske som dei meiner ser nærast identisk ut med deira eiga.
Gründarane har bestemt seg for ikkje å klage på henlegginga.
– Vi har verken tid eller pengar til å gå vidare med saka. Det har teke ekstremt mykje tid. Vi er berre to og er eit lite og sårbart firma, Ragnhild Naglestad til NRK.
– Vi kan ikkje halde på med slikt i det uendelege. Vi må bruke tida på det som er viktig for oss då vi har mykje vi skal ha gjort, seier ho.
Toalettveska er firmaet sin største salssuksess. Det skal ha blitt selt over 200 000 eksemplar berre i Norge.
Stoppa salet i Norge
Netthandelen skulle stoppe salet av si toalettveske i Norge då Lulu's tok kontakt og skulda dei for piratkopiering.
Då NRK sjekka måndag var den framleis i sal på nettstaden Cocopanda i Danmark. Det er Netthandelen som eig denne nettstaden.
Innkjøpssjef i Netthandelen, Andre Kjetså, vil ikkje kommentere henlegginga overfor NRK.
Då NRK skreiv om saka i juni i fjor argumenterte advokaten deira med at det er juridisk fullt mogleg å la seg inspirere av andre produkt sitt design.