– Det er veldig glatt. Det ligg snø på vegen og det er is i botnen. Køyr seint og roleg, elles vert det fleire ulykker, seier politiførstebetjent Bernt Byklum til NRK.
Han var sjølv på ei av ulykkene på E18 ved Stoa i Arendal. Her var åtte køyretøy involvert i ein kjedekollisjon. Her vart to personar sende til sjukehus.
På E39 i Mandal er ein person send til sjukehus etter ei trafikkulykke. Her kolliderte eit vogntog med ein personbil. Klokka 16.40 var vegen framleis stengd.
Vegtrafikksentralen får stadig inn meldingar om glatte vegar og ber folk ta det med ro.
– Det er særs glatte vegar. Folk må veldig ned med farta, seier Harald Robersvik ved 110-sentralen i Arendal.
Operasjonsleiar i Agder-politiet Per Kristian Klausen har hatt ein hektisk ettermiddag. Også han ber folk vere forsiktige.
– Det er veldig glatt mange stader. Då må folk ned med farten, seier han.