Fleire stader vart det hengt opp plakatar som hetsa utsjånaden til ordføraren.
– Dette er hinsides, seier ordførar Torhild Brandsdal til NRK.
I helga vart det hengt opp plakatar fleire stader i Vennesla.
På plakaten er det eit bilete av Bransdal ved sidan av eit radmagert mørkhuda barn.
«Du et som ein gris»
Der står det mellom anna følgjande: «Slutt å påstå at du bryr deg om barn som sultar i Afrika når du et som ein gris», skriv Fædrelandsvennen.
– Eg ser ikkje bort frå politimelding, men eg har ikkje hatt tid til å vurdere det etter at eg fekk kjennskap til det i føremiddag, seier Bransdal.
Måndag kveld er Bransdal i Ivelandshallen der det vert halde folkemøte om kommunesamanslåing.
Plakatane var hengt opp på fleire stolpar i bygda.
Bransdal er den lengstsitjande kvinnelege ordføraren i landet. Ho har vore ordførar i Vennesla sidan 1999.
Torhild Bransdal vurderer å melde saka til politiet.
Foto: Svein Sundsdal/NRKViste til organisasjon
Det stod følgjande på plakatane som var hengt opp:
«Feite menneske i Vennesla, kan de vere snille å slutte med å vere hyklarar. Slutt å påstå at du bryr deg om barn som sultar i Afrika når du et som ein gris. Et mindre og doner pengane du sparar til reclaimkids.org».
Dette er ein organisasjon i USA som hjelper barn og familiar i Vest-Afrika. Ifølgje Fædrelandsvennen stiller dei seg uforståande til at dei er brukt i ein hets-kampanje.
