No skal «Jesus» seljast på Finn

Geitebukken «Jesus» som skremde ein familie opp i eit tre skal leggjast ut til sals på nettstaden Finn.no. Dermed slepp han å ende opp på grillen - dersom nokon vil ha han.

Bukken "Jesus"

FÅR LEVE: Geitebukken «Jesus» endar likevel ikkje opp som grillmat. No skal han få ein ny heim, dersom nokon vil ha han.

Foto: Privat
Tor Brede Launes

EIGAR: Tor Brede Launes vil likevel ikkje avlive «Jesus» og vil prøve å selje geitebukken på Finn.no mot ein dunk med altervin.

Foto: Privat

– Eg ville i utgangspunktet avlive han. Men så fekk eg beskjed frå nokre dyrevernarar som var litt sure for det, så håpar eg at nokon andre vil overta han, seier eigar Tor Brede Launes til NRK.no.

Det var førre helg at ein aggressiv geitebukk stanga og gjekk til angrep på ein familie som var på tur på Fugløya utanfor Søgne i Vest-Agder. Den hissige bukken gjekk til angrep med horna sine.

Klatre opp i tre

Turfølgjet såg ingen annan utveg enn å klatre opp i eit tre og ringe politiet. Politiet prøvde å ta hand om «Jesus», men måtte til slutt pruke peparspray.

Det førte til at bukken stakk av. Dagen etter sa eigaren at geitebukken ville ende opp som grillmat.

– Eg trur nok ikkje eg kan ha han der ute slik som han er no, så han hamnar nok på grillen før sankthansaftan, sa Launes måndag.

Men etter tilbakemeldingar frå fleire personar har Launes no bestemt seg for å ikkje avlive «Jesus», og heller prøve å selje han.

Vil ha altervin

– Etter at denne saka fekk så mykje merksemd trur eg ikkje det vil vere lurt å skyte han. Eit vådeskot hadde ikkje sett særleg bra ut. Difor legg eg «Jesus» ut for sal, seier han.

– Trur du at nokon vil kjøpe han?

– Ja, det trur eg. Får eg ein dunk med altervin let eg «Jesus» gå, seier han.

Dagen etter dramatikken på Fugløya var eigaren ute for å leite etter «Jesus». Geitebukken var ikkje å finne.

Mirakelgeit

– Eg følte meg ganske dum når eg gjekk der og ropte "Jesus, Jesus". Heldigvis var eg aleine, sa Launes.

Bakgrunnen for at geitebukken fekk namnet «Jesus» var frå barndommen hans. Som liten geitekilling datt han ned ein skråning og var nær døden.

– Men han overlevde etter å ha blitt fôra opp og fekk difor namnet «Jesus», seier han.

No skal Launes på nytt prøvde å finne «Jesus» slik at andre kan overta han.

Video og TV-reportasjer

Nå til en godbit for dem som er interessert i geocaching, eller en form for turorientering. For i morgen slippes 400 nye såkalte cachebokser langs barnevandrerstien som strekker seg fra Kvinesdal til Landvik.
Nå skal du få treffe en kommende filmstjerne. Filmen Snømann har premiere på Barnefilmfestivalen i neste uke - og 9 år gamle Kasper Glastad Mouritsen fra Lillesand, har hovedrollen.
Utrykningspolitiet på Agder deltar nå i en omfattende kontroll, der politi over hele Europa er ute etter å ta fartssyndere. 219 politifolk er plassert på tilsammen 143 steder rundt omkring i Norge. Aksjonen startet i morges.