Saman med VG inviterte dyreparken folk til å sende inn namneforslag. Det kom inn over 800 ulike forslag.
– Vinnarnamna passar fint med krava som vart sett opp, nemleg at tigerungane burde få namn anten frå sibirsk tiger sine leveområde eller namn som beskriv eigenskapar som tigerungane kan assosierast med når dei veks opp, skriv juryen som bestod av seks personar frå dyreparken.
Tigerungane vart fødd natt til 17. mai og er no seks veker gamle.
– Dei har byrja å ete kjøt og dei legg på seg for kvar dag. No veg dei alle rundt seks kilo, seier dyrepassar Hilde Strædet til dyreparken si nettside.
Ein tigerfødsel hadde berre skjedd to gonger tidlegare i Norge før tigeren Bonya fødde i dyreparken i år.