Regiondirektør i Integrerings- og mangfoldsdirektoratet Sør, Ingrid Sætre, seier det blir ei stor oppgåve å ta i mot dei yngste borna som kjem åleine.
– Ut ifrå førebelse prognosar som ligg på busetjing av over 2000 asylsøkjarar, så vil vår del mindreårige liggje på mellom 300 og 350. Så det er ei sterk auke.
I tillegg til den generelle auka, er det mykje fleire av dei som kjem som er under 15 år.
– Det er ein spesiell situasjon at kring halvparten av dei som kjem er under 15 år. Dei fleste skjønner nok at det er ei større oppgåve å ta i mot yngre born, enn dei som nærmar seg myndig alder.
- Les også:
Få kommunar har kompetanse
Sætre fortel at dei allereie no ringer direkte til kommunar for å få til avtalar. Men det er få kommunar som har kompetanse til å ta i mot born under 15 år.
– Det er litt spesielt i Agder og Telemark sidan vi har hatt få plassar for dei under 15 år. Vi er i dialog og skal i møte med Grimstad, Risør og Kristiansand. Mandal har allereie sagt ja til å ta i mot fem personar under 15 år, og det er veldig bra.
- Les også:
Framleis eit behov
Borna har krav på ein representant som skal vareta det juridiske under prosessen med asylsøknaden. Direktør i samfunnsavdelinga hos Fylkesmannen i Vest-Agder, Britt Møll Abrahamsen, opplyser til NRK at det har vore god tilgang på folk som vil stille.
I dag er det oppnevnt 45 representantar, og 13 nye står i kø for å bli godkjent. Men behovet for representantar for mindreårige asylsøkjarar er der framleis.
- Les også: