Før helga hadde politiet teke 18 båtførar for promillekøyring. Dette talet auka betrakteleg i helga som var.
– Eg har ikkje eksakte tal endå. Men det auka kraftig i helga. Alkohol og køyring av båt er ein dårleg kombinasjon som vi slår ned på, seier Kvitne til NRK.
– Det har vore særs mange promillekøyrarar denne helga. Det har kanskje noko med finvêret å gjere. Folk kjem i god stemning og tek nokre sjansar utpå kvelden, seier han.
Denne sommaren har politiet fire politibåtar som patruljerer sørlandskysten. Båtane er stasjonert i Arendal, Kristiansand, Mandal og Risør.
NRK fortalde tidlegare i år at politiet vil vere til stades under alle større arrangement langs kysten i sommar.
– Vi har eit regelverk som skal følgjast, så vi slår hardt ned på promillekøyring til sjøs, seier Kvitne.