– Det var litt overraskande at eg kom på fjerdeplass. Det var kjekt at det holdt så bra, seier Sondre Flaa Eieland til NRK.
Flaa Eieland var berre seks sekund bak Alexander Os, som stakk av med tredjeplassen. Vann gjorde Hans Martin Gjedrem gjekk heilt til topps. Flaa Eieland var 1.11 minutt bak vinnaren.
Måtte vere smart
– Det var ikkje eit optimalt løp, men eg hadde førebudd meg godt til løpet, så det gav nok resultat. Det var litt vind på standplass, så ein måtte vere litt smart for å treffe. Det trur eg at eg tente på i dag, seier 24-åringen.
Birkenes-løparen slo blant andre verdscupvinnar Emil Hegle Svendsen på dagens distanse. Det var første gang nokonsinne han har plassert seg føre landslagsløparen på resultatlista.
– Vi har kniva saman i snart ti år, og det er første gang er slår han. Så det er litt kult å sjå at det går an etterkvart, seier han.
Vil følgje opp
No står sprint, jaktstart og stafett att på NM-programmet. Skiskyttaren håpar på gode plasseringar også der.
– Slik det er no har eg veldig lyst til å ha 90 prosent treff på sprinten og gjere eit godt løp i sporet. Det hadde vore veldig kjekt å få full klaff på begge, seier han.
– Det er vanskeleg å seie noko resultatmål fordi det er så jamt, så ein kan fort hamne litt nedpå. Men eg manglar eit løp med full klaff denne sesongens. Det hadde vore kult å få til, seier han.