Det var like over klokka eitt natt til søndag at politiet fann mannen på fortauet.
– Mannen sat oppetter ein stolpe då han vart funne. Det viste seg etterkvart at han var skada, seier operasjonsleiar i Agder-politiet Audun Eide til NRK.
Mannen vart sendt til akuttmottaket ved sjukehuset i Kristiansand umiddelbart. Han ligg no til observasjon, men skal ikkje vere alvorleg skada.
Saka vert etterforska vidare ved politistasjonen i Kristiansand.
– Vi har hatt krimteknikarar på staden som har gjort sine undersøkingar, seier Eide.
Politiet har snakka med 22-åringen, som førebels ikkje kan gjere greie for kvifor han er påført knivstikk.