Ein person er skada og er køyrt til sjukehus med ambulanse.
– E39 kjem til å bli sperra ei god stund, opplyste politiet til NRK.
Ved 16.40-tida starta politiet dirigering på staden.
Fleire ulykker
Det har vore fleire trafikkuhell på Sørlandet måndag ettermiddag. Ved Stoa i Arendal på E18 snurra ein bil rundt. Ingen personar skal ha blitt skada her.
På E18 ved Bie i Grimstad skal tre bilar ha kollidert. Her er det kun snakk om materielle skader.
Naudetatane er på veg til ei trafikkulykke ved Harebakken i Arendal der åtte bilar skal vere involvert i ein kollisjon. To personar er sende til sjukehus.
– Det er særs glatte vegar. Folk må veldig ned med farta, seier Harald Robersvik ved 110-sentralen i Arendal til NRK.
– Sett ned farten
Også Vegtrafikksentralen ber folk køyre forsiktig.
– Det har byrja å snø og det er vekslande bart og snøføre, og då blir det litt polert. Det einaste som hjelper er å setje ned farten. Det er det einaste som kan forhindre ein del ting, seier Svein Harald Masterød ved vegtrafikksentralen til NRK.