Mannen hadde 200 på kundelista og selde 17 000 liter med eksklusiv italiensk vin over tre år, skriv Fædrelandsvennen.
Til saman skal han ha importert over 25 000 flasker med ulovleg vin til Norge.
Lagra i konteiner
I Kristiansand tingrett vart mannen funne skuldig i brot på tollova, alkohollova og rekneskapslova.
Vinen vart lagra i ein konteiner i Kristiansand sentrum.
Mannen innrømte å ha innført og selt vin med forteneste til ei rekkje personar i Kristiansand då rettssaka mot han starta.
Kundane slepp truleg straff
Etter å ha blitt kontrollert av toll- og skattestyresmaktene starta mannen vinimport ved å bære flaskene i land frå danskebåten.
NRK har tidlegare skrive at kundane som har kjøpt ulovleg importert vin av den tidlegare forretningsmannen kan sleppe straff.
Årsaka er at økonomiavsnittet i Agder-politiet truleg ikkje klarer å etterforske dei 200 personane på kundelista til mannen.
