Huset var ubebudd, og det var ikkje folk inne i huset då det tok til å brenne.
– Huset er overtent og vi må la det brenne kontrollert ned, sa operasjonsleiar i Agder-politiet, Magne Storaker til NRK.
Lumberkrysset vart sperra som følgje av brannen.
Brannen spreidde seg også til skog i nærleiken av huset.
– Det er førebels ikkje aktuelt å evakuere hus i nærleiken. Husa som ligg nærast ligg eit lite stykke unna, sa operasjonsleiaren.
Røyk frå brannen kunne sjåast frå store deler av Kristiansand sentrum.