Bandet hadde også med seg den danske skodespelaren Sofie Gråbøl på innspelinga.
A-ha budde og spelte inn deler av musikkvideoen her på Canvas Hotel i Nissedal i Telemark.
Foto: Odd Rømteland/NRK
Jan Fasting frå Arendal driv Canvas Hotel.
Foto: Odd Rømteland/NRKGråbøl har mellom anna hatt hovudrolle i krimseriane «Forbrytelsen» og «Fortitude» som begge har gått på NRK1.
I tillegg var den svenske modellen og skodespelaren Frida Farell med på innspelinga av filmen.
– Dei nekta å reise vidare
I fleire dagar budde bandet på Canvas Hotel i tjukkaste skogen i Nissedal i Telemark der også deler av filmen er spelt inn. Jan Fasting frå Arendal driv hotellet.
– Dei nekta å reise vidare. Dei var eigentleg booka inn på eit anna hotell, men trivast så godt her at dei overnatta, seier Fasting til NRK.
I vinter vart Canvas Hotel kåra til eitt av Europas 100 beste hotell av det tyske reiselivsmagasinet Geo Saison.
Det var ikkje berre Fasting sitt hotell i Telemark som vart brukt i musikkvideoen. I videoen ser vi og ein syngande Morten Harket med kvite trehus og sørlandsmiljø i bakgrunnen.
Her er Lars Aakre Melås, Morten Harket og Per Aakre Melås føre ein sportsbil som vart brukt under innstillinga av musikkvideoen.
Foto: Tor Jørgen MelåsArendal endra planane
– Det er Merdø vi ser i bakgrunnen. Innspelinga vart gjort på seglbåten min i Revesandsfjorden, seier Fasting.
Det var ikkje opphavleg planen at Arendal skulle vere med i videoen.
– Men så såg dei at det passa inn i historia, seier Fasting.
Videoen er laga av det uavhengige musikkvideoproduksjonsselskapet Animal Kingdom med base i Berlin, og regissør er tyske Bode Brodmüller.
