Etter å ha gått frå timebetaling til dagsbetaling har kommunen senka prisen med 20 prosent.
Marit Jaabæk, leiar for Nyplass SFO i Lindesnes, fortel at dette går ut over dei som brukar ordninga minst.
– For foreldra som har barn her betyr det at viss ein brukar SFO mykje så blir det billegare, men viss ein brukar SFO lite så blir det dyrare.
- Les:
Burde hatt nasjonal sats
Lindesnes kommune har til no vore dyrast i landet for dei som nyttar seg av skulefritidsordninga, med ein månadspris på over 3000 kroner.
SFO ved Nyplass skole i Lindesnes
Foto: Kai Stokkeland / NRKHelge Woie frå Foreldreutvalget for grunnopplæringen meiner det er positivt om kommunen har kome fram til den nye modellen i dialog med foreldre, og om den dekkjer eit behov. Men helst skulle han sett at SFO-ordninga hadde nasjonal sats.
– Det er veldig stor ulikheit rundt om i landet, og innanfor skulesystem og barnehage er ein veldig oppteken av at alle skal ha like moglegheiter. Når det gjeld SFO så er det så ulikt innanfor kommunane og i landet elles at det blir fort forskjellar, og det er ei utfordring.
- Les:
Kan stå fram som urettferdig
Woie forstår om det nye systemet til Lindenes kommune framstår som noko urettferdig for nokre av foreldra.
– Sidan dei har hatt eit system som har vore meir timebasert før, så kan det framstå som urettferdig for dei som berre brukar SFO i nokre timar. Det burde i og for seg vere betaling per dag, for det er uansett ikkje veldig mange timar det er snakk om. Ein kan òg risikere at nokre betalar for lite bruk.
- Les:
Veldig uheldig
Dei høge SFO-prisane landet over uroar Woie, som meiner dette kan få store konsekvensar.
– Anten kan dei borna som verkeleg hadde hatt bruk for SFO, til dømes for å møte andre barn og å lære språk, bli tekne ut av ordninga fordi prisane er så høge. Eller så kan foreldre velje å jobbe mindre for å sleppe SFO-rekninga, og då har ein konsekvensar som er veldig uheldige.
