– Eg meiner klart at her er Color Line ei miljøsinke. I Kristiansand ligg dei og produserer straum om natta, seier Dahn frå Vest-Agder Venstre til NRK.no.
Klima og helse
Ifølgje Fædrelandsvennen går Superspeed på særs miljøfiendtleg tungolje. Dette vert også brukt som drivstoff medan båten ligg til kai i Kristiansand hamn.
– Hamnevesenet har opplyst om at dei har gjort alt klart slik at dei kan kople seg til landstraum. Då bør dei gjere det av omsyn til både klima og helsa til befolkninga i Kristiansand, seier Dahn.
Dahn krev også at ferjene som går til Kristiansand vert bygd om til gass slik at dei tilfredsstiller FN sine nye utsleppskrav frå 2015. Men Color Line har førebels ingen planar om dette, og avviser at dei er miljøsinker.
Skal gå på gass
– I Oslo har vi eit prosjekt på gang der ferjene går på straum når dei ligg til land, seier linedirektør i selskapet, Odd Grønberg, til Fedrelandsvennen.
Dahn viser mellom anna til at den nye ferja mellom Sandefjord og Strømstad skal gå på gass.
NRK.no har ikkje lukkast med å komme i kontakt med Odd Grønberg i Color Line.