OPPDATERING: Klokka 21.29 vart vegen opna.
Vegtrafikksentralen fekk melding klokka 1654 om semitraileren som sperra fylkesvegen ved Dalsbotten, mellom Oldeide og Kalvåg.
Etter det NRK.no kjenner til skal føraren ha forklart at hengaren seig ut i grøfta. Vogntoget kom seg ikkje frå staden for eiga maskin.
Det var venta at vegen kunne opne like over klokka 19, men det viste seg at ein måtte få på plass ei gravemaskin som kunne sikre hengaren under berginga. Den vart køyrt til frå Kalvåg.
Skulle noko gå gale, stod det fleire millionar kroner på spel. Bilen var fullasta med fisk.