STORE UTFORDRINGAR: Ordførar Jan Geir Solheim seier utfordringane står i kø, men at dei er godt igang med oppbygginga.
Foto: Marit Hommedal / NTB scanpix– Nokre av dei prosjekta som fell inn under attreising, blir kortvarige prosjekt inntil to år. Men vi trur vel kanskje vi ikkje er ferdige med alt før det har gått fire-fem år, seier han.
Berre oske og grunnmur står att etter 40 bygningar. 17 av dei var bustad for om lag 70 menneske. Men no tek attreisings-prosjektet i Lærdal form.
– Det er først og fremst å ta seg av dei som har privat tomter og sørgje for at dei får så rask behandlingsprosess som mogleg. Deretter må vi sjå på dei kommunale eigedommane, seier han.
- LES OGSÅ:
– Snakk med oss det gjeld
Torsdag skal kommunestyrert vedta mandatet til prosjektetgruppa, som både skal attreise og utvikle Lærdal.
– Slik planen er no, så ser det ut til at både kommunestyret og administrasjonen skal vere med å styre dette.
Marianne Aarethun Rode og familien var blant dei mange som mista heimen i storbrannen. Ho har følgjande oppmoding til dei folkevalde.
– Mitt råd er at dei må snakke med oss det gjeld. Dei må snakke med kvar enkelt familie som har mista heimen sin, seier ho.
- LES OGSÅ:
MYKJE ARBEID I VENTE: Brannen gjorde stor skade i Lærdal sentrum.
Foto: Steinar Lote / NRKVil vere med i prosjektgruppa
Etter å ha etterlyst meir informasjon frå kommunen, blei brannoffera i går kveld orienterte på eit møte i Lærdal. Aarethun Rode er klar på at også dei må få ein plass i utvalet som skal leie arbeidet.
– Det er kjempeviktig. Det går ikkje an å ha ei slik gruppe utan at vi er representerte.
Ordførar Jan Geir Solheim seier at organiseringa er noko dei skal sjå på.
– Det er godt mogleg at dei kan bli med. Dette må vi få til på ein måte, seier han.
Men arbeidet med å attreise Lærdal er i gang, forsikrar ordføraren.
– Vi er faktisk allereie i gang fordi vi har byrja å lage ein plan. Når sjølve oppbygginga har starta vil det vise betre, men eg vil seie at vi allereie er i gang.
- LES OGSÅ:
- LES OGSÅ:
