Tidlegare har fylkestinget og kommunane langs kysten bede om at det også blir vurdert ei ytre kryssing av Sognefjorden.
- LES OGSÅ:
- LES OGSÅ:
Har ikkje gitt opp
Men trass tydelege signal frå departementet, ikkje alle har gitt opp.
– Vi ynskjer å få vurdert eit alternativ med bru til Solund og tunnel vidare til andre sida.
– Det meiner eg framleis er mogleg å få til, sjølv om dette ikkje er nemnt i bestillingsdokumentet frå Samferdsledepartementet, seier Frank Willy Djuvik, som er fylkesleiar i Framstegspartiet.
Det vil koste rundt 100 milliardar kroner å gjere E39 ferjefri mellom Kristiansand og Trondheim. Målet er at dette skal stå ferdig innan 2025.
Statens vegvesen har tidlegare gjennomført eit prosjekt som syner korleis Sognefjorden kan kryssast med bru Lavik–Oppedal.
- LES OGSÅ:
(Teksten held fram under biletet)
– Positivt
– Det er svært gledeleg at ein allereie no får gjennomført ei konseptvalutgreiing (KVU) med tanke på at dette skal inn i Nasjonal Transportplan i perioden 2018–2027, seier Djuvik.
Djuvik meiner det syner at regjeringa har ein ambisjon om å få realisert ferjefri E39 frå Kristiansand til Trondheim i løpet av dei neste 12–13 åra.
– Det er veldig positivt for Sognefjorden har vore det prosjektet alle har vore samde om å vente med til slutt.
– Det er realistisk
Men når Samferdsledepartementet no vil ha ei utgreiing av ulike alternativ for ferjefri kryssing av Sognefjorden, gjeld det berre mellom Lavik og Oppedal.
Alternativet som fylkeskommunen ynskjer, med ytre kryssing, er ikkje nemnt. Djuvik meiner likevel at slaget om ytre kryssing ikkje er tapt.
– Det er fullt realistisk. Ein KVU-prosess er ei langsiktig øving som byrjar med ein idedugnad der ein ser på dei ulike alternativa.
– Ytre kryssing var allereie i 1991 alternativ i stamvegutgreiinga, og eg har stor tru på ein skal greie å løfte det inn igjen no også som eit alternativ.