Regjeringa har i dag oppretta Naustdal - Gjengedal landskapsvernområde og Ålfotbreen landskapsvernområde.
Får ti millionar
Saka om opprettinga av Naustdal - Gjengedal landskapsvernområde har lagt i departementet sidan 2001, og har vore svært omstridd. Vernet set ein stoppar for den planlagde kraftutbygginga i Gjengedalen.
Naustdal - Gjengedal landskapsvernområde omfattar kommunane Førde, Gloppen, Jølster og Naustdal på om lag 394 kvadratkilometer.
Kommunane får 1,5 millionar kroner til forvaltning av området. I tillegg vert det sett av ti millionar kroner til eit næringsfond i kommunane, slik at vernet kan bidra til positiv utvikling lokalt, heiter det i ei pressemelding frå Miljøverndepartementet.
Ålfotbreen verna
Ålfotbreen landskapsvernområde i kommunane Bremanger, Flora og Gloppen er på om lag 226 kvadratkilometer. Dette er den siste gjenverande delen av Ålfotbre-området som ikkje er påverka av vasskraftutbygging.
Miljø- og utviklingsminister Erik Solheim seier han er glad for at dette området no er verna.