Verdsrekordforsøk i isvatn

Briten Gordon Lewis Pugh skal fredag prøve å sette ny verdsrekord i symjing i isvatn.

Det skal han gjere i Brevatnet ved Nigardsbreen i Jostedalen. Målet til Pugh er å symje 1,5 kilometer. Truleg er temperaturen i vatnet under ei grad.

Gordon Lewis Pugh er kjend som mannen som symde heile Sognefjorden på langs frå Skjolden til Eivindvik. Han har og symt rundt Nordkapp.

Når han stuper uti isvatnet ved Nigardsbreen fredag blir han fylgd av kamera frå BBC og Reuters TV. BBC skal sende rekordforsøket direkte på BBC 24.

Peder Kjærvik ved Breheimsenteret tykkjer det er artig med merksemda kring rekordforsøket. Han seier han har stor tru på engelskmannen, men reknar med at det blir ei kald moro.

14 aksjonistar vart arresterte etter å ha lenka seg fast for å hindre gruveselskapet Nordic Mining i å drive prøveboring i Engebøfjellet i Naustdal.
I nesten fire timar var det mørkt på aluminiumsverket i Årdal fredag.
I Sogn skal me sjå at flyktningar får ein unik sjanse til å koma raskt ut i fast jobb. Yrker som treng arbeidskraft samarbeider med mellom andre NAV for å få nye landsmenn ut i arbeidslivet.