Natt til søndag gjekk det eit ras som sperra Flåmsdalsvegen i Aurland, som heng saman med den populære Rallarvegen. Etter ei synfaring i går kunne arbeidet starte i dag, og det har gått unna fortare enn dei hadde håpa på. Eit helikopter har vore inne for å spyle fjellveggen der raset gjekk.
- Les også:
– Vi har ein veldig dyktig geolog som har synsfart området. Han gjorde til slutt den vurderinga at dette vil skje raskast og mest effektivt og sikrast ved å bruke spyling. Dette vart utført veldig tidleg i dag, og entreprenørane var i høgste beredskap frå vår side, så her har alle gode krefter spelt på lag, seier Distad.
I første omgang vert vegen opna for gåande og syklande. Det vil altså foreløpig ikkje vere tilgang for dei som skal opp til fellesstølen i Kårdalen med bil.
- Les også:
– Vi er veldig glade på vegner av alle dei turistane som ferdast i området, som ventar på å få gå og sykle i Flåmsdalen. Det er kjempeviktig for våre bedrifter som lev av reiselivet.
– Kva hadde konsekvensen vore om stenginga hadde vorte langvarig?
– Vi jobbar med alternative planar slik som bedriftene sjølve no har nemnt, å lage alternative turar. Vi såg også på moglegheita for å opne vegen på andre sida av elva, så vi var i ferd med å planlegge alternative tiltak, men det hadde jo ikkje blitt det same, så det er svært gledeleg at vi no kan opne vegen att.