Veden over elva på ti sekund

Kva gjer du når du har mykje god ved på andre sida av elva og det ikkje er bru? Sjå kva Årdals svar på Reodor Felgen pønska ut...

Attila Madocs frå Øvre Årdal er glad i å hogge ved. Også i Årdal la orkanen «Dagmar» flat ein del skog, mellom anna langs elva Utla ved Svalheim. Der hadde ein del av trea lagt seg over ein sti, og det var mange grunnar til å fjerne dei.

Attila tok kontakt med kommunen, som gav klarsignal til å omgjere vindfallet til ved. Problemet var berre at trea låg på nordsida av Utla, der det ikkje er råd å kome til med motorkøyretøy. Men Attila Madocs likar å klekke ut løysingar på slike utfordringar.

– Eg prøvde først med ein vinsj, men terrenget var for flatt. Så kom eg på at eg kunne bruke firehjulingen min som trekkraft med ein vaier via nokre taljer, og då fekk eg fart på trea. Det tok ti sekund å få ei last over elva.

Det heile vart filma av svogeren Odd Tore Moen, som la videoen ut på Youtube.

Attila Madocs - ÅRDALS REODOR FELGEN: Attila Madocs på firehjulingen sin. - Foto: privat /

ÅRDALS REODOR FELGEN: Attila Madocs på firehjulingen sin.

Foto: privat

– Ikkje heilt nøgd...

Men som ein ekte Reodor Felgen er ikkje Attila heilt nøgd med resultatet, no skal han teste ut ei vidareutvikling.

– Det virka som det skulle med enkel boggi, men no har eg laga ekstra hjul og vil prøve med dobbel boggi på firehjulingen.

Attila Madocs likar slike tekniske utfordringar. Saman med ein kamerat lagar han utstyr etter terrenget, dei teiknar og produserer det dei treng av hjelpemiddel. Også på jobben som vedlikehaldsmekanikar på Hydro Aluminium har han klekt ut idéar til utbetring av tekniske løysingar.

Idéane hans har og kome familielivet til gode.

– Då ungen vår ikkje ville sove i vogna utan at vi rugga på den, så fann eg på eit patent der vogna rugga på seg automatisk, og då sov ungen i fire timar i strekk.

NRK setter pris på at mange bidrar med meninger, erfaringer og synspunkter i kommentarfeltet. Takk for at du begrunner dine meninger og avstår fra personangrep. Innlegg som ikke følger våre regler for deltakelse kan bli slettet.
I Flåm stilte i dag meir enn 70 ivrige personar til dugnad for å rydde opp etter flaumen i slutten av oktober. Målet var mellom anna å finne personlege gjenstandar i det kaoset den flaumstore Flåmselvi skapte.
No er sogningen Jens Brekke i krangel med påtalemakta igjen.
Reporter Arve Uglum direkte frå Sogndal.

Kvar er dette?

Kvar er dette? - Foto: Merete Husmo Høidal / NRK
Foto: Merete Husmo Høidal / NRK

Veit du kvar dette er? Du kan vinne Flax-lodd

Høyr sendingane våre

Gro Ravnestad - Foto: Arne Stubhaug / NRK
Foto: Arne Stubhaug / NRK

Høyr alt vi sender - direkte og i opptak

Vestlandsrevyen

Vestlandsrevyen - Foto: Marit Hommedal / Scanpix
Foto: Marit Hommedal / Scanpix

Sjå Vestlandsrevyen her