Steinkross i Gulen - AVBROTEN: Slik såg steinkrossen ut etter uhellet. - Foto: Laila Indrebø / NRK

AVBROTEN: Slik såg steinkrossen ut etter uhellet.

Foto: Laila Indrebø / NRK

Vanskeleg å reparere steinkrossen

Steinkrossen som vart øydelagd i Eivindvik blir vanskeleg å reparere på ein fullgod måte.

– Det er ein skade som vil vere veldig synleg, sjølv etter at han er reparert, seier fylkeskonservator Eva Moberg.

Kulturminnet ved det gamle Gulatinget vart delt i to då ei grein datt ned på krossen i arbeidet med å sage ned eit tre.

Video Krossen gjekk i to - DELEN SOM DATT AV: Det blir vanskeleg å sette den øvste delen på att utan at skaden blir synleg. - Foto: Nyhetsspiller /

DELEN SOM DATT AV: Det blir vanskeleg å sette den øvste delen på att utan at skaden blir synleg.

Foto: Nyhetsspiller

Krossen blir ikkje som han var

Arbeidet med å reparere krossen startar i midten av mai, men det vil bli eit prosjekt med mange utfordringar.

– Krossen vil ikkje bli slik han stod før dette uhellet skjedde, seier Alf-Tore Hommedal. Han er førsteamenuensis ved Universitetet i Bergen, som skal vere med i arbeidet med å reparere den nesten 1000 år gamle steinkrossen i Eivindvik i Gulen.

Det var sist fredag at krossen vart delt i to under arbeidet med å felle eit tre i nærleiken. Hommedal seier dei står føre eit vanskeleg prosjekt.

– Det verste som kan skje er at vi reparerer, så går det nokre år, og så blir såret i krossen eit svakt punkt, og så kan han knekke på nytt.

Krossen i Eivindvik - FØR OG ETTER: Krossen frå 1023 var ein av to steinkrossar ved Eivindvik kyrkje. - Foto: Ottar Starheim/Laila Indrebø / NRK

FØR OG ETTER: Krossen frå 1023 var ein av to steinkrossar ved Eivindvik kyrkje.

Foto: Ottar Starheim/Laila Indrebø / NRK

– Uerstatteleg kulturminne

Det vil vere fare for at frost vil øydeleggje krossen endå meir, sjølv etter at han er reparert. Fylkeskonservator Eva Moberg håpar i det lengste at krossen let seg ordna, og at han blir ståande utanfor kyrkja i Eivindvik.

– Han vil vere utsett, særleg for temperaturvariasjonar. Vi må vurdere boltar eller ei plate for å få dette stabilt att. Dette er jo eit uerstatteleg kulturminne som er blitt øydelagt.

Hjå Riksantikvaren blir dette sett på som eit stort tap for kulturarven i Noreg, fortel Dagfinn Claudius, avdelingsdirektør i kulturminneavdelinga.

– Her i Norge er slike store, frittståande steinkrossar sjeldne, sjølvsagt er det eit stort tap om han ikkje let seg reparere, men vi håpar i det lengste at det er mogeleg.

Kross i Eivindvik - LIKE VED KYRKJA: Krossen står like ved inngangen til kyrkja. - Foto: Belinda Fosse Haveland /

LIKE VED KYRKJA: Krossen står like ved inngangen til kyrkja.

Foto: Belinda Fosse Haveland
NRK setter pris på at mange bidrar med meninger, erfaringer og synspunkter i kommentarfeltet. Takk for at du begrunner dine meninger og avstår fra personangrep. Innlegg som ikke følger våre regler for deltakelse kan bli slettet.

Fleire nyhende

Elektrikarar er blitt mangelvare. Berre dei neste åra vil det mangle opp mot 200 elektrikarar i Hordaland og Sogn og Fjordane.
Den tørre, fine hausten har ført til fantastiske forhold for å jakte på nordlys også her på Vestlandet.
Men nordlyset er uforutsigbart, og du må vera ivrig viss du vil fange og forevige det.
Landbruket står for 10 prosent av klima-utsleppa i Norge. No skal forskarar finne ut korleis bøndene kan få best mogleg avlingar, samstundes som ein reduserer utsleppa til miljøet.

Kvar er dette?

Kvar er dette? - Foto: Kjell Arvid Stølen / NRK
Foto: Kjell Arvid Stølen / NRK

Veit du kvar dette er? Du kan vinne Flax-lodd

Høyr sendingane våre

Gro Ravnestad - Foto: Arne Stubhaug / NRK
Foto: Arne Stubhaug / NRK

Høyr alt vi sender - direkte og i opptak

Vestlandsrevyen

Vestlandsrevyen - Foto: Marit Hommedal / Scanpix
Foto: Marit Hommedal / Scanpix

Sjå Vestlandsrevyen her