Geir Eithun og Iver Horrem vann åttandedelsfinalen i EM i dag. Seinare i dag spelar dei kvartfinale mot den latviske duoen Smedins, J. og Samoilovs.
Åttandedelsfinalen enda med nok ein siger med 2–1 (19-21, 22-20, 18-16) til den norske sandvolleyballduoen. Kampen spelte dei mot austerrikske Huber-Seidl.
Etter ein litt treig start sikra dei seg ein topp ti-plassering på fredag. Då vann dei sin tredje strake 2-0-siger og knuste den sveitsiske duoen Chevallier-Kovatsch 2–0 (24-22 og 21-15) i kampen i ettermiddag.
- LES OGSÅ: Sikra topp ti-plassering
Etter kampen sa Eithun at det nok ville bli litt spesielt å møte duoen frå Austerrike på heimebane.
– Det er spesielt å møte Austerrike på heimebane på verdas beste beachvolleyballarrangement i ein vinn eller forsvinn-kamp. Det blir rått framfor 8.000 heimesupporterar. Det er ikkje problem å bli gira til det, seier Eithun
Og så gira blei Eithun og Horrem at dei danka ut det austerrikske laget i dag føremiddag.