– Eg vil teste marknaden, seier kaptein og eigar Mads Bækkelund.
I seks år har han eigd det han kallar verdas minste cruisebåt. Ei ombygd bilferje, i si tid bygt for Fylkesbaatane i Sogn og Fjordane. No med plass til 90 personar og 30 senger.
- Les også:
- Les også:
Vil helst ha ein partnar
Båten har vore nytta som base i to NRK-sende TV-seriar der kjende sportsutøvarar har fått ulike ekstremsportoppdrag. No tel Bækkelund på knappane om han skal halde fram som eigar.
– Eg forsøker å finne strategiske løysingar for framtida. Eg vurderer å ta inn partnarar, selje, eller selje og leige tilbake båten.
Aller helst ønskjer han seg ein kompanjong.
– Ein med reiselivsbakgrunn og interesse for frisk sport og toppturar. Men alt har si tid. Eg begynner å kjenne at det tar på, seier den profilerte kapteinen som er frustrert over det han kallar firkanta byråkrati, vanskelege hamnevesen og motstand
(Artikkelen held fram under biletet.)
Inga gullgruve
I fjor sommar låg han i advokatstrid med Sogn og Fjordane fylkeskommune. Bækkelund leverte lågaste anbod, men fekk likevel ikkje drive sommarruta på Fjærlandsfjorden i Sogn.
- Les også:
Tidlegare i veka la han det drygt 25 meter lange fartøyet frå 1958 ut på marknadsplassen Finn. Prisantyding: Seks millionar kroner.
– Den har vore på Finn i fire-fem dagar. Førebels har ikkje responsen vore så stor, vedgår Bækkelund.
Han avviser at dårleg økonomi tvingar fram eit sal.
– Nei, dette er ingen økonomisk suksess. Men det kan bli det. Eg har mange fine oppdrag og har økonomi til å halde fram.
(Artikkelen held fram under biletet.)
Skal gå i sommarrute på Sognefjorden
Ifølgje Bækkelund skal båten truleg figurere i nye TV-seriar. Nett no er kapteinen på to månaders cruise med «Fjord Visjon» ved Lyngsalpane Nord for Tromsø.
Andre veka i mai skal han vere tilbake langs Sognefjorden der Bækkelund i seinare tid har hatt sin base store deler av året. Det er planen, uavhengig av kva som på lang sikt skjer med båten.
– Vi kjem til å gå i faste ruter på Sognefjorden i sommar. Då går vi i rute mellom bygdene Aurland, Flåm, Gudvangen, Fresvik og Sogndal fram til 31. august, garanterer Bækkelund.
Her kan du sjå «Fjord Visjon» i TV-serien «Oppdrag Nord-Norge». «Oppdrag Sognefjorden» er ikkje lenger tilgjengeleg i nett-TV.