– Ein person sat ei stund fastklemd. Etter politiet si oppfatning er denne personen hardt skadd, og er send vidare til sjukehus med luftambulanse, seier operasjonsleiar ved Sogn og Fjordane politidistrikt, Per Rimmen, til NRK like etter ulukka.
Sendt til Haukeland
Klokka 16.25 melder Helse Førde at ei kvinne i 20-åra er sendt til Haukeland universitetssjukehus i Bergen. Seint onsdag kveld melder Helse Bergen at kvinna er kritisk skadd.
Den andre involverte, ein mann i 20-åra vart sendt til lokal legevakt. Ulukka vart meldt til politiet klokka 11.42, og alle naudetatane vart raskt sende til staden.
– Føraren av lastebilen er køyrd til legevakta i Florø for legesjekk, sa Rimmen tidlegare onsdag.
Rundt klokka 16.30 vart det meldt om at vegen var rydda og opna att.
Har varsla ulykkesgruppa
Ulykkesgruppa til Statens vegvesen er varsla, men dei kom ikkje på ulukkesstaden onsdag.
– Vi sikrar køyretøya til dei kan gjere sine undersøkingar i morgon, sa operasjonsleiar Rimmen onsdag ettermiddag.
Trafikken på staden vart i fleire timar dirigert forbi ulykkesstaden i det eine køyrefeltet.
Saka vert vidare følgt opp ved Flora lensmannskontor.
