Jørn Lasse Refsnes - FERDIGE: Jørn Lasse Førde Refsnes vil om kort tid sende underslagssaka til tingretten for endeleg avgjerd.

FERDIGE: Jørn Lasse Førde Refsnes vil om kort tid sende underslagssaka til tingretten for endeleg avgjerd.

Retten neste steg i underslagssak i Fagforbundet Sogn og Fjordane

To personar har erkjent å unndrege til saman 160.000 kroner frå Fagforbundet Sogn og Fjordane.

Sakene vart meldt politiet i slutten av mars i år. No skal dei sendast over tingretten som tilståingsdom for brot på straffelovas paragraf 255 om underslag.

– Dei to mistenkte har lagt alle korta på bordet og i politiavhøyr forklart at dei var i ein vanskeleg situasjon privatøkonomisk og då fall for freistinga å misbruke tilgangen dei hadde til Fagforbundet sine kontoar, seier påtaleansvarleg jurist, Jørn Lasse Førde Refsnes til NRK.no.

160.000 kroner

Dei to har hatt verv i kvar sine fagforeiningar i fagforbundet. Det skal ikkje vere samanheng mellom

Den eine personen skal frå 2005 til 2007 ha unndrege 75.000 kroner. Underslaget vart oppdaga i januar. Den andre skal i perioden 2010 og ut i 2011 ha overført 85.000 kroner frå fagforeininga sin konto til sin eigen private konto. Det skal ikkje vere samanheng mellom sakene.

– Det er stort sett overføring frå ein konto til ein annan via nettbank, seier Førde Refsnes.

Rutinekontroll avdekka

Solveig Løvik Norevik - AVDEKKA: Fylkesleiar i Fagforbundet Sogn og Fjordane. - Foto: Cosmin Cosma / NRK

AVDEKKA: Fylkesleiar i Fagforbundet Sogn og Fjordane.

Foto: Cosmin Cosma / NRK

Fylkesleiar Solveig Løvik Norevik sa til NRK i mars at underslaga vart oppdaga under ein rutinekontroll.

Begge dei to trekte seg frivillig frå sine verv i forbundet. Løvik Norevik fortalde då at beløpa var betydelege for dei fagforeiningane det gjeld.

– Dette vart oppdaga ved vanleg rutinekontroll i samband med årsoppgjer, og rutinar vi har internt i fagforbundet. Det var ein del ting vi følte ikkje stemde, og sette oss meir grundig inn i dei aktuelle sakene, sa fylkesleiaren.

Retten avgjer

Med tilståingar til grunn i saka, har politiet hatt ei grei sak å klare opp. Førde Refsnes skal no vurdere kva påstand han vil leggje ned i saka, før den blir oversendt rettsapparatet for endeleg avgjerd.

Saka er grenseland mellom underslag og grovt underslag. Juristen seier det er for tidleg å seie noko kva straff han vil føreslå for tingretten.

– Ut frå storleiken på beløpet, og det vi kan seie om grovheita i saka, så vil eg tru ein kan reagere med fengsel, men også samfunnsstraff. I så fall vil det vere snakk om relativt korte fengselsstraffer, seier Førde Refsnes.

Fleire nyhende

Regjeringa ynsker å kutte leveringa av post på laurdagar. 
Årsaka er at dei ser at stadig færre sender post i helga.
Dette vil gå ut over pressa, som ikkje vil få levert avisene sine på laurdagar til dei som bur utanfor sentrum.
I over eitt år har eit samla beredskaps-Noreg venta på den største omveltninga i politiet nokon gong. Framleis utan svar. Mange politidistrikt er føreslått nedlagt. I Sogn og Fjordane har ventetida ført til at folk har slutta.
Elektrikarar er blitt mangelvare. Berre dei neste åra vil det mangle opp mot 200 elektrikarar i Hordaland og Sogn og Fjordane.

Kvar er dette?

Kvar er dette - Foto: Kjell Arvid Stølen / NRK
Foto: Kjell Arvid Stølen / NRK

Veit du kvar dette er? Du kan vinne Flax-lodd

Høyr sendingane våre

Gro Ravnestad - Foto: Arne Stubhaug / NRK
Foto: Arne Stubhaug / NRK

Høyr alt vi sender - direkte og i opptak

Vestlandsrevyen

Vestlandsrevyen - Foto: Marit Hommedal / Scanpix
Foto: Marit Hommedal / Scanpix

Sjå Vestlandsrevyen her