– Etter våre forhold vil eg seie dette er eit stort beslag, seier lensmann Nils Ove Roset i Gloppen til Firda Tidend.
- Les også:
Fann plantar i telt
Tre menn i alderen 30–40 år vart torsdag i førre veke arresterte, mistenkte for å ha dyrka den ulovlege planten cannabis i eit privat bustadhus i Gloppen.
Fem polititenestemenn gjekk til aksjon og vart møtt av eit syn dei ikkje har sett før i Gloppen.
– Vi fann veldyrka og velvaksne cannabisplantar, fortel Roset til NRK.
I andre etasje i bustadhuset stod to telt som fungerte som drivhus for dei mange plantane, skriv avisa.
Dei var utstyrte med lysarmatur, vifter og anna utstyr for å halde lufta passeleg fuktig og varm. I tillegg fann politiet stiklingar i små beger, noko politiet meiner viser at det var planar om å halde fram produksjonen.
UKJEND SALSVERDI: – Vi veit ikkje kor mykje dette er verdt, men vi veit veldig godt kor skadeleg dette stoffet er, seier Roset.
Foto: Jan Nik. Hansen, Firda Tidend- Les også:
Vedgjekk alt
Dei tre vart køyrde til Førde lensmannskontor for avhøyr, og sat der heile fredag.
– Dei har lagt alle korta på bordet, seier lensmannen til NRK.
– Kva har dei sagt om vidaresal til politiet?
– Det vil eg ikkje kommentere no.
Politiet har arbeidd målretta med saka og Roset seier at det er vanleg etterforskingsarbeid som er årsaka til at dei tre vart arresterte.
– Korleis vil du karakterisere beslaget?
– Dette er stort for oss. Vi har ikkje gjort liknande funn av denne planten tidlegare, og eg trur det er stort i fylket også.
– Kva vil skje med dei tre som vart arresterte?
– Dei er slepte ut av varetekt no, men vil få ein reaksjon frå politiet etter dette.
- Les også:
Viktig arbeid
Roset seier slike aksjonar er viktige for politiet og at det er vesentleg at ein får fjerna narkotiske stoff frå marknaden så snart som råd.
– Vi veit alle kva kan skje om ein brukar ulovlege stoff, og kor skadeleg det kan vere. Vi meiner vi har ganske god oversikt over brukarmiljøet og kva som skjer der i Gloppen no.