- Det viktigaste er at me klarte å halda det ambisiøse budsjettet me la opp til før sesongen, der me gjekk frå minus sju millionar i 2009 til eit budsjett på minus 1,2 i 2010. Det har me klart å halda, så me enda på rundt ein million i driftsmessig minus i 2010, seier dagleg leiar i Sogndal Fotball, Egil Blaaflat Mundal.
- LES OGSÅ:
Massive underskot
I åra etter bygginga av Fosshaugane Campus har Sogndal Fotball gått med til dels store underskot.
2008 gav , og 2009 vart heller ikkje noko gullår med 6,9 mill i minus.
Budsjettet vart redusert kraftig før sesongen som skulle enda med eit noko overraskande opprykk til eliteserien.
- Den største variabelen ligg på løn. Laget vart kraftig forynga inn mot sesongen, men trass i store utskiftingar hadde klubben tru på at dette kunne gå bra, seier Mundal.
- LES OGSÅ:
- Men at det skulle gå så bra var kanskje ikkje realistisk, så me har nok hatt ein dose flaks og, seier Mundal.
Nærmar seg nulldrift
2010-rekneskapen som vart lagt fram under Sogndal Fotball sitt årsmøte onsdag viste driftskostnader på 25,9 millionar kroner, og eit endeleg underskot på 1.098.518 kroner.
- Dette er ein kombinasjon av litt auka inntekter, men i vesentleg grad kutta kostnader. Då den sportslege staben i tillegg klarte å prestere så godt som dei gjorde, var dette eit godt år for Sogndal Fotball.
- På kva område hadde de flaks?
- Flaksen ligg i at me har hatt litt meir stang inn enn stang ut, i tillegg til at me var gode og heldige med tanke på skadesituasjonen.
- LES OGSÅ:
Under årsmøtet gjekk styreformann Gunnar Solbakken av og vart erstatta av Tor Arne Ness. Ness overtek ein klubb som framleis må snu på kvar krone.
Treng kontantar
Sogndal Fotball hadde ved utgangen av 2010 ein eigenkapital på 27,5 millionar kroner, hovudsakleg knytt til klubben sitt eigarskap i Sogndal Fotball AS, som igjen eig Fosshaugane Campus.
Det gir klubben store materielle verdiar, men lite flytande kapital. Det sistnemnte er viktig for å halde på profflisensen, som gir klubben rett til å spele i dei to øvste divisjonane.
Dermed må sparinga halde fram, sjølv om spel i eliteserien kontra 1. divisjon kan auka inntektene til klubben med så mykje som fem millionar kroner.
- LES OGSÅ:
Må halde fram sparinga
Dermed må Sogndal Fotball bruke dei pengane på å kvitte seg med gamal gjeld og byggje meir solid eigenkapital.
- Det er ikkje godt nok å gå i null heller. Me må jo tene litt pengar også, og i eit eliteserie-år skulle det nesten berre mangle. I 2011 legg me opp til eit lite overskot, seier Mundal.
- Kor stort er eit lite overskot?
- Me har budsjettert nøkternt med eit overskot på ein halv million.