Ein rapport som Fylkesmannen i Sogn og Fjordane har lagt fram, viser at skadeerstatningane for tap av sau og geit i 2011 har auka med kring 300.000 frå året før. Bøndene i Luster kommune er spesielt råka, heile 52 prosent av utbetalingane går nemleg til dei.
Både kongeørn og gaupe har teke meir dyr i 2011 enn året før, kongeørna har drepe 38 fleire dyr, og gaupa har teke 16 fleire.
- Sjå tabellen nedst i saka
KONGEØRN: Denne store rovfuglen har teke 38 fleire dyr i Sogn og Fjordane i 2011 enn i 2010.
Foto: Bjørn Ove ÅrdalJerven er tilbake
Jerv er den absolutte verstingen når det kjem til drap av småfe i fylket. Berre i Luster vart 133 lam og 28 sau drepne av rovdyret i løpet av 2011. Totalt har det store mårdyret drepe 293 dyr i Sogn og Fjordane, noko som er over dobbelt så mykje som fjoråret, der jerven tok 142 sau og lam.
Hermund Mjelstad i Rovviltforvaltinga meiner at årsaka til auka i 2011 kjem av at jervestanden i fylket har auka ifrå året før.
– Det er jerven som har skulda i at vi har fått denne store auka. I fjor vart det bere felt totalt to jerv i heile fylket, mot 18 året før. No er det like mange plutseleg og vel så det, fortel Mjelstad.
- LES OGSÅ: Fryktar jerven tek mykje sau
GAUPE: Gaupa er heller ikkje heilt uskuldig i den store erstatningsauka, den tok 16 fleire dyr i fylket enn året før.
Foto: Poppe, Cornelius / ScanpixSauebøndene i fylket er bekymra for at det ikkje vert tatt ut nok jerv før dyra deira skal ut på beite att.
– Det har vore for dårlege jaktforholdtil å kunne ta ut jerv i vinter. Mykje dårleg vêr og lite nysnø har gjort at spora er vanskelege å finne. Men det er mogeleg at det vert jakta no i helga når det er meldt så fint vêr, fortel Mjelstad.