Den 25 år gamle mannen som var sakna, blei funnen omkommen på 66 meters djupne like etter klokka halv seks i dag tidleg. Det var forsvaret sitt spesialskip KNM Tyr som fann den omkomne.
Fare for liv og helse
Etter synfaring på staden i går, saman med politi, entreprenør og Vegvesenet, har Arbeidstilsynet no kome med pålegg om å stogge alt arbeid ved snuplassen der ulykka skjedde og ein anna snuplass ved lastestad for pukk.
Dette er på bakgrunn av overhengande fare for liv og helse til arbeidarane, og vedtaket er i tråd med Vegvesenet si eiga vurdering.
Under tilsynet blei det avdekka alvorlege manglar. Det kom fram at det ikkje har vore etablert sikring eller barriere mot fjorden der dumparen forsvann utfor kanten.
Arbeidet på plassen har i praksis vore stogga sidan ulykka.
– Bedriftene må gjere ei skikkeleg risikovurdering når det gjeld å snu store køyretøy, seier tilsynsleiar Rune Ravnestad i Arbeidstilsynet.
- LES OGSÅ:
- LES OGSÅ:
Fortløpande vurdering
Arbeidstilsynet legg til grunn at det også er etablert snuplass ved lastestad for pukk, og stansen gjeld også arbeid på dette området.
Arbeidet kan først takast opp att når Arbeidstilsynet har oppheva vedtaket om stansing. Vegarbeidet elles på Dalsfjordsambandet held fram som normalt.
– Vi har fortløpande vurdering om vi skal gi pålegg om å gjere ein ny risikovurdering der også, men der har vi ikkje konkludert, seier han.
- LES OGSÅ:
- LES OGSÅ:
- LES OGSÅ: