Leiar for interessepolitikk i KS, Helge Eide, seier dette ikkje heng i hop.
– Regjeringa kan ikkje krevje at kommunane styrkjer arbeidet med flaum- og skredsikring og førebygging av dette, utan å kome med ekstraløyvingar, seier Eide til NRK.no.
- LES OGSÅ:
- LES OGSÅ:
Har store forventingar til kommunane
Sist veke la Olje- og energidepartementet fram stortingsmeldinga om flaum og skred. Her blir kommunane gitt større ansvar for arbeidet med å sikre seg mot dette.
I dag bur 150 000 menneske i Norge i flaum- og skredutsette område, og det vil koste mykje å sikre desse områda.
– Den augneblinken ein skal setje planar i verk, og gjere meir for å førebyggje flaum og skred, så kostar det pengar. Vi meiner det må vere samsvar mellom det som er venta og dei ambisjonane departementet har og dei økonomiske midlane, seier Eide.
- LES OGSÅ:
- LES OGSÅ:
(Artikkelen held fram under biletet)
OMKOM: To personar miste livet då eit ras knuste huset i Balestrand i mars i fjor.
Foto: Arve Uglum / NRKMen løyver ikkje pengar
For sjølv om KS meiner det er fint med planar for korleis ein skal arbeide for å hindre at flaum og skred gjer skade og tar menneskeliv, er dei litt oppgidde over meldinga.
For som det står avslutningsvis i meldinga, «Stortingsmeldingen om flom og skred får ikke budsjettmessige konsekvenser». Det betyr at kommunane ikkje får pengar til arbeidet.
– Viss ein skal tilpasse eksisterande bygg og vegar i kommunesektoren til framtidige klimaendringar, ved å ta att vedlikehaldsetterslepet, så vil det bety enorme beløp. Det er så svære beløp at det er heilt usannsynleg å tru at kommunesektoren kan gjere dette på eiga hand.
Eide ser to løysingar på utfordringa.
– Det eine er at kommunane skjærer ned på barnehage, skule og eldreomsorg. Eller så er det å seie at dette kostar pengar om ein må få dette tilført gjennom økonomiske rammer.
- LES OGSÅ:
- LES OGSÅ: