Dei vel 80 frammøtte kunne fredag kveld mellom anna nyte vakker song av Stardalen mannskor.
May Elin Eikås Bjerck og sonen Nikolaij Bjerck er dei som står bak stuntet.
Inne i tunnelen fekk publikum høyre to liveinnslag. Først dikt og lyd, og så Stardalen mannskor med «Song i august».
Fekk publikum med på kunsten
Men publikum skulle også vere med på kunsten. Dei vart bedne om å lytte til innslaga, tolke dei, og lage seg nokre sms-meldingar. Desse vart så innsende og synt i ei lyssky når publikum bevega seg oppå tunnelen.
FEKK DET TIL: - Vi trudde først det ville vere vanskeleg å få stengt ein tunnel på grunn av noko slikt, men det gjekk heilt fint, seier Nikolaij Bjerck.
Foto: Tale Hauso / NRK– Sms-ane vart prosjekterte oppover fjellsida, slik at dei vart ganske store. I kombinasjon med skumring, vart det ganske spektakulært, seier Bjerck.
Prosjektet har vakse fram etter kvart som dei har jobba med det.
– Det har vorte til medan vegen har gått. Dei moglegheitene som har opna seg, har komme undervegs, seier Bjerck.
(Artikkelen held fram under biletet)
Trudde det ikkje ville vere mogleg
Ideen om lyd i tunnelen var eigentleg ein idé som vart slengt ut litt i lause lufta.
– Vi trudde først det var umogleg å stengje ein tunnel, men så let det seg gjere, seier Bjerck.
STÅR BAK: May Elin Eikås Bjerck.
Foto: Tale Hauso / NRKHan er overraska over kor greitt det har gått.
– Vegvesenet har vore svært velvillige, seier Bjerck.
(Artikkelen held fram under biletet)
Plassen var valt med omhug
Plassen over tunnelen, er Eikås Bjerck svært glad for å kunne syne folk.
– Dette er ein plass ein ikkje ser når ein køyrer bil, seier Eikås Bjerck.
Plassen er valt med omhug, og nærleiken til Jostedalsbreen var viktig.
– Prosjektet byrja i 2010. Vi prøvde å nærme oss breen, og har lært mykje på vegen. Vi har prøvd å ta ut verdiar som er vanlege å bruke i ein pragmatisk samanheng, seier Eikås Bjerck.