– Vi spelte vår beste kamp. Endeleg sat det, og det var deilig. Vi har hatt litt stong ut denne sesongen, så dette var skikkeleg opptur, seier Eithun som er frå Førde.
Makker Iver Horrem kjem opphavleg frå Aukra.
Duoen satsar hardt mot OL i Rio 2016, og sigeren i dag gav kjærkomne poeng for å stå godt rusta når OL-kvalifiseringa startar om eitt år.
– Dette var ein skikkeleg opptur. Dette er ei turnering for lag frå Nord-Europa, så det er klart det er eit steg ned frå World Tour, men vi har møtt gode lag, og i dag var vi det beste laget og det klarar vi å vise, seier Eithun, som er godt nøgd med veka.
Måndag vann dei NM i sandvolleyball etter ein jamn finalekamp.
– Denne veka har vi gjort jobben vår, og det kjennest godt, seier Eithun.
- LES OGSÅ:
- LES OGSÅ:
Har vore mykje stang ut
Dei vann dagens finale mot danske Kildegaard/Olesen med settsifra 21-18 og 21-16.
– Vi har tapt ekstremt mange tredjesett i år, difor var det ekstra kjekt å levere gode kampar i denne turneringa. Det har vore for mykje stang ut til at det er tilfeldig, men no køyrer vi på, seier Eithun.
Duoen enda på ein skuffande 17. plass i EM, i motsetnad til i fjor då dei hamna på 5. plass.
Kampprogrammet er tett utover hausten, så særleg tid til å kvile på laurbæra er det ikkje.
– Det blir ein ekstremt travel haust. Sidan vi ikkje har fått det heilt til tidlegare i sesongen må vi spele alt vi kan, seier Eithun.
- LES OGSÅ:
- LES OGSÅ:
Må liggje blant topp ti
Det betyr fire World Tour-stemne og iallfall to liknande turneringar som Nevza fram til jul.
– Vi har ikkje definert noko mål for World Tour-stemna, men vi må opp mot topp ti og spele finalar tilsvarande det vi gjorde i dag. Då får vi ein så god posisjon som mogleg med tanke på OL-kvalifisering, seier Eithun.
Om to veker ventar ny turnering i Stuttgard i Tyskland.
– Det er berre å nullstille seg. Programmet utover blir hardt. Vi skal spele i Qatar, Kina, India, Sør-Afrika og Helsinki. Så det blir travelt, men gøy, seier Eithun.
- LES OGSÅ:
- LES OGSÅ: