Hjort som kryssar vegen har lenge vore eit kjent problem på Mannhellervegen. Området er rekna som eit av problemområda der bilistar har blitt oppmoda om å vere ekstra merksame på hjort.
- LES OGSÅ:
Men no håpar Vegvesenet at dei skal få ned talet på hjortepåkøyrsler her. Dei har nemleg sett opp 1300 meter med hjortegjerde. Slik har dei prøvd å få hjorten til å krysse vegen på stadar der bilistane lettare ser dei.
– Ved hjelp av gjerde og sluser, ynskjer vi å styre hjorten til å krysse på meir oversiktlege stader, seier prosjektleiar i Statens vegvesen, Bente Øyre.
Bilistane vert oppmoda om å vere merksame på kryssingspunkta. Desse er varsla med skilt, i tillegg til at sjølve stolpane på desse slusene er merka med refleks, skriv Vegvesenet på sine nettsider.
I fjor var det registrert nesten 400 hjortepåkøyrsler på vegane i Sogn og Fjordane. For forsikringsselskapa betyr dette store summar, dei må nemleg ut med om lag 15 00 kroner for ei viltpåkøyrsle.
- LES OGSÅ:
- LES OGSÅ:
Vegvesenet håpar tiltaka dei har sett verk på riksveg 5 skal gje resultat. I tillegg til gjerda har dei rydda ein del skog for å gjere det meir oversiktleg.
Kva meiner du? Er gjerder rette løysinga for å få bukt med problemet med hjortepåkøyrsler langs vegane? Sei di meining i kommentarfeltet under.