Tradisjon tru var NRK si 17. mai-sending på plass over heile landet. NRK Sogn og Fjordane besøkte i år Ornes og Solvorn i Luster kommune.
I sendinga møtte vi søstrene Eirill og Ylva først ved Urnes stavkyrkje, som nærast ligg heilt inn på gardstunet til jentene:
FØRSTE INNSLAG: Eirill og Ylva et frukost utanfor Urnes stavkyrkje på Ornes. (Reporter/fotograf: Solveig Svarstad/Stine Kyrkjebø Johansen)
Då frukosten var eten, var det på tide å setje kursen mot ferjekaia på Ornes. Kvar einaste dag Eirill og Ylva skal på skulen, må dei ta ferja over Lustrafjorden til Solvorn og Solvorn oppvekstsenter. Denne dagen var det litt meir folk på ferja enn dei er vande med i kvardagen:
ANDRE INNSLAG: Søstrene må ta ferja over Lustrafjorden for å kunne gå i 17. mai-tog. (Reporter/fotograf: Solveig Svarstad/Stine Kyrkjebø Johansen)
Ferja har knapt lagt til kai i Solvorn før Ylva og Eirill nærast spring av garde i spenning. 17. mai-toget står allereie oppstilt, og søstrene gler seg til å vere med i toget:
- Les også:
TREDJE INNSLAG: Ylva og Eirill spring rett av ferja for å finne sin plass i toget. (Reporter/fotograf: Solveig Svarstad/Stine Kyrkjebø Johansen)
Etter at 17. mai-toget hadde løyst seg opp var det tradisjonell feiring i Solvorn, med mykje leik og moro. Her kan du sjå eit glimt av feiringa på den idylliske perla ved Lustrafjorden:
IDYLL: Slik feira dei 17. mai i Solvorn. (Foto/redigering: Stine Kyrkjebø Johansen)
I hagen til Walaker hotell tek NRK sognebunaden i nærare augesyn. Bunadsekspert Bjørg Hovland fortel om historia og utviklinga til bunaden:
SOGNEBUNADEN: Bjørg Hovland har lang erfaring med å sy bunadar. (Reporter/fotograf: Solveig Svarstad/Stine Kyrkjebø Johansen)