Det var like før jul at Tor Åge Berglid bestemte seg for å halde ap med svindlarane som gav seg ut for å ringe frå Microsoft sitt hovudkontor i London.
Bodskapen frå andre enden av telefonlinja var enkel, datamaskina til stryningen var infisert og laga problem for serveren til Microsoft. Dei ville hjelpe han å ordne maskina.
- Les også:
– Eg hadde hatt ei rekkje tilsvarande telefonar og var byrja å bli grundig lei. Dette er svindel, så eg tenkte å drive litt ap med dei. Så eg slo eit slag for nynorsken, humrar 42-åringen.
Vigra-engelske
Berglid tok opp tre av samtalane med «Microsoft sine gode hjelparar». Det eine opptaket er over åtte minuttar langt. Her kommuniserer stryningen på både Vigra-engelsk, som han kallar det, og kav nynorsk.
– Eg stolar ikkje på kundesenter som ringer slik og ikkje har tilsette som snakkar nynorsk, ler han.
- Les også:
– Eg trur ikkje at du er heilt rett navla altså. Du må snakke nynorsk. Eg er berre ein simpel bondetamp som ikkje skjønar noko, seier han til den eine operatøren han får på linja.
– Nynorsk er meir vanleg, og blir brukt overalt. Det er meir populært enn engelsk, legg han til.
Trua med å blokkere
Berglid hadde ingen intensjon om å følgje oppmodinga frå personane i andre enden av den dårlege telefonlinja. Då ville nok . Når det er sagt, eit øydelagt batteri ar sett datamaskina ut av spel siste halvåret.
– Men det hadde jo vore eit lite pluss om den plutseleg vakna til live att før jul, humrar han.
- Les også:
– Den eine som ringde trua las opp namn, nummer og adresse og trua med å stengje av datamaskina mi. Eg sa det var heilt greitt, for eg hadde ikkje maskin, legg han til.
Til åtvaring for andre
Berglid er berre ein av svært mange som vart kontakta om tilsvarande problem. Han er veit veldig godt at store dataselskap ikkje ringer ut til brukarane dersom noko er gale.
Han håpar lydopptaket kan gjere andre merksame på svindelen.
– Eg forstår at folk, som gjerne ikkje er så datakyndige, kan gå på når dei får slike telefonar. Men, for å seie det slik, eg trur ikkje at kundeservicen til Microsoft nokon gong har vore slik at dei ringer til folk om det blir problem, avsluttar han.