Etter alle solemerke får brua oppstartløyving på 10 millionar over Statsbudsjettet no i haust. Dermed kan vegvesenet setje i gang detaljplanlegging av brua, som skal erstatte den smale og gamle brua frå 1956 som går der i dag.
– Eg kan ikkje forskottera noko, men eg har ei von om at den nye brua kan stå ferdig i 2015, seier distriktsvegsjef Nils Magne Slinde til NRK.
Statens vegvesen er no i ferd med å tilsetje folk til prosjektet, og om ikkje alt for lenge skal arbeidet ut på anbod. Prosjektet vil truleg få ein prislapp på kring 280 millionar kroner.
- LES OGSÅ: |
Ei ny Loftesnesbru har lenge vore politikarane i Sogndal sin våte draum, og no får dei gjennomslag for krava sine. Særleg for mjuke trafikantar er dagens bru ei stor utfordring. Det er kun svært smale kantar å gå eller sykle på.