– Vi vil ta kontakt med lokale meklarar for å kunne fastsetje verdien på desse husa, seier fortel areal- og bygningsforvaltar, Bernt Aas i Opplysningsvesenets fond, OVF.
- Les også:
200 skal vekk
OVF eig om lag 420 statlege prestegardar og 200 av desse skal ut på marknaden.
Dei er den største enkelteigaren av slike bustader i Norge. I tillegg vert dei resterande 525 bustadane eigd av ulike kommunar.
OVF har 25 av desse prestegardane i Sogn og Fjordane. Dei fleste ligg sentralt til i bygdene, husa er ofte store, og hagane enorme.
– Det er klart at fleire av desse er flotte villaer som vil vere enkle å selje, medan andre vil krevje mykje meir arbeid frå vår side, seier Aas.
- Les også:
Kulturminne hindrar sal
Prestane får sjølve bestemme kor lenge dei vil bli buande i husa, men etter kvart som dei flyttar vil dei bli lagt ut for sal. Det gjeld mellom mellom anna bustader i Årdal, Lavik, Solund, Fjaler, Gaular, og Naustdal.
– Nokre bygg vil ikkje bli selde på grunn av kulturminneverdien dei har, fortel personalrådgjevar Christer Olsen i Bjørgvin bispedømme.
Dette gjeld mellom anna Luster, Lærdal, Leikanger, Balestrand, Askvoll, Jølster, Kinn, Selje, Vereide og ein bustad i Høyanger vert også vurdert som verneverdig.
- Les også:
Må ha hus til stillingane
Sogn og Fjordane er eit av dei fylka der bustadmarknaden er utfordrande og der bispedømet er avhengige av å tilby bustad saman med prestestillinga.
– Men vi har mange område med få bustader til sals, og dermed vert det utfordrande å tilsetje prestar i stillingar, seier Olsen.
Men det er slett ikkje sikkert at det er det første og beste tilbodet som får bustadane.
– Nei, mange av desse husa har bygdefolket eit tett forhold til. Og difor vil vi også sjå på moglegheita for at dei vil brukte til kommunale eller kulturelle tilbod framføre at private tek over, seier Aas.
Det kan bli fleire bustader som vert lagt ut for sal.
– Ja, det kan skje om vi vurderer det slik at vi ikkje har bruk for dei, seier Olsen.
- Les også: