– Anders Fannemel har lagt bak seg sin beste sesong noko sinne, med to sigrar i verdscupen, verdas lengste skihopp og gull i laghopp i VM. Sist Norge tok gull i laghopp var Fannemel to år gammal. Det er klart vi må vere der når han blir hylla, seier NRK-reporter Silje Guddal.
Historisk honndøl
GÅR DIREKTE: Reporter i NRK Sogn og Fjordane, Silje Guddal.
Foto: Geir Bjarte Hjetland / NRKFannemel (23) tok sin første verdssiger i russiske Nizjnij Tagil 13. desember i fjor. Han følgde opp med sin andre verdscupsiger i Hochfirstschanze i tyske Titisee-Neustadt 8. februar i år. Der tok han også andreplass dagen etter.
I Vikersund 15. februar vart 23-åringen historisk med verdas lengste ståande skihopp på 251,5 meter i Vikersundbakken.
Og under ski-VM i svenske Falun var han altså på det Norske laget som tok sitt første VM-gull i laghopp på 21 år.
- Les også:
- Les også:
Lovar fest
Når honndølen tysdag kveld vender heim til sine eigne, etter sin femte sesong i verdscupsirkuset, garanterer Guddal feststemning på direkten i Vestlandsrevyen på NRK1.
– Nordfjordingane veit å stille opp. Her blir det mange skikkelege blodfans frå Fannemel sin fanklubb, og heilt sikkert minst to hundre andre jublande honndøler, lovar Guddal.
Vestlandsrevyen kan du sjå her i nett-tv klokka 18.45. NRK.no kjem også med fyldig dekning frå arrangementet.
VERDAS LENGSTE: Her kan du gjenoppleve Anders Fannemel sitt rekordhopp på 251,5 meter i skiflyging.