– Makelaust og vått so det held.
Slik oppsummerer festivalsjef Arnt-Iver Naustdal årets Malakoff Rockfestival 2012.
LES OGSÅ:
Statens vegvesen melder om at det er éin times ventetid på ferjesambandet Anda-Lote.
Best besøk fredag
Fredag var over 8000 innom festivalen, samt 1000 publikummarar på sentrumscena på NRK Sommarlutt.
Også laurdag var over 8000 innom festivalen, og dermed står ein tilbake med nok ein publikumsrekord; 17 000 gjester.
- LES OGSÅ:
– Det er ikkje mogleg å oppdrive verre vêr enn me hadde i går, men likevel møter folk opp i hopetal. Det syner at me er blitt ein rockefestival med ryggrad.
Han beskriv stemninga laurdag som eit «mini-Roskilde».
– Me vassa i gjørme, men alle hadde det kjempekjekt. Det var den knallgode festivalkjensla. Den Svenska Bjørnstammen var eit høgdepunkt, då det var folk i alle aldrar som storkoste seg på konserten.
(Artikkelen held fram under biletet)
Ny rekord neste år?
Han var nesten glad for at det regna laurdag.
– Hadde det vore fint vêr so hadde me ikkje hatt plass til alle som ville inn, det er eg ganske sikker på.
– Me sa i fjor at å få 20 000 gjester er ein utopi. Men me ser at me har kapasitet til det, seier Naustdal.
– Er det mogleg at de får 20 000 gjester neste år?
– Ja, det er mogleg.
Imponert over lokalsamfunnet
Han er imponert og takksam over kor mange dugnadstimar lokalbefolkninga på Eid har lagt ned i arrangementet.
– Ja-haldninga er avgjerande for at festivalen skal overleve, og etter denne helga er det ingen grunn til å tru nok anna.
- LES OGSÅ:
Men etter ei festivalhelg er det mange som skal heim. Då er det fort at det blir kø, slik som her ved Lote ferjekai på E39.
Vegtrafikksentralen melder om at det er minst éin time ventetid på begge sider av fjorden.