Hopp til innhold

Bustadbrann på Vassenden i Jølster er sløkt

Bustadbrannen i Jølster er no sløkt opplyser Brannalarmsentralen i Florø.

Brann i Jølster

BRANNEN SLØKT: Klokka 1634 blei det meldt om brann i eit bustadhus i Jølster.

Foto: Torje Bjellaas / NRK

– Brannmannskapa driv no med utlufting av huset, seier Espen Rysjedal, som er vaktleiar ved Brannalarmsentralen.

Klokka 1634 blei politiet varsla om at det brann i eit bustadhus i Bøafeltet på Vassenden i Jølster. Huset har tilknyting til asylmottaket i Jølster.

Huset har fire hyblar og 8 - 9 personar bur der, opplyser politiet.

Ingen av bebuarane skal ha blitt skadde i branntilløpet. Representantar for asylmottaket seier til NRK sin mann på staden at bebuarane i huset får overnatting på asylmottaket i natt.

Like før klokka 17 kunne Espen Rysjedal fortelje NRK at brannen var sløkt, og at brannmannskapa hadde det starta med utlufting.

– Bebuarane hadde sjølve klart å sløkke brannen med eit pulverapparat, men det hadde vore sterk røykutvikling, og det pågår no utlufting.

Brann i Jølster

SLØKT ETTER KORT TID: Brann og helse rykte onsdag ettermiddag ut til ein bustadbrann i Jølster.

Foto: Torje Bjellaas / NRK